Ağdaş Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində şəhər sakinləri, 56 yaşlı Rafael Atakişiyev və həmyaşıdı Bağdı Mustafayev saxlanılıblar. Buna onların Qolqəti və Dəhnəxəlil kəndləri arasındakı meşə sahəsindən keçən kanalın kənarında əkib-becərdikləri çətənə kollarının aşkara çıxması səbəb olub. Polis əməkdaşları ərazidən çəkisi 2 kiloqram 865 qram olan 24 ədəd kol götürüblər. Faktla bağlı Ağdaş rayon Polis Şöbəsinin təhqiqat bölməsi tərəfindən araşdırma aparılır.