İki maşın toqquşdu, ölənlər və yaralılar varGədəbəydə ölümlə nəticələnən yol qəzası olub. Gərgər kəndində “VAZ” markalı iki minik avtomobili toqquşub. Nəticədə 4 nəfər müxtəlif xəsarətlərlə Mərkəzi Rayon Xəstəxanasına yerləşdirilib. Həkimlərin səyinə baxmayaraq, sürücülər – 45 yaşlı Nail Qarayev və 44 yaşlı Aydın İsmayılovun həyatını xilas etmək mümkün olmayıb. Yaralılar - Gədəbəy rayon Dəyirmandağı kənd sakini 30 yaşlı Arzu Rüstəmova və Poladlı kənd sakini 53 yaşlı yaşlı İman Alsəfərov Gəncə şəhər Təcili Tibbii Yardım Xəstəxanasının travmatologiya şöbəsinə gətirilib. Məlumata görə, maşınlardan birində sürücü tək olub. Faktın araşdırılmasına başlanılıb.