Bakı-Qazax avtomobil yolunun Şəmkir rayonu ərazisindən keçən hissəsində yol qəzası baş verib. Yanacaq daşıyan yük maşını ilə "Mercedes" markalı minik maşını toqquşub. Nəticədə minik avtomobili dərəyə düşüb. 3 nəfər yaralanıb. Yaralıların ikisi Şəmkir Rayon Mərkəzi Xəstəxanasında tibbi yardım göstərildikdən sonra ambulator müalicəyə göndərilib, 1-i Gəncədəki özəl xəstəxanalardan birinə aparılıb. Polis faktı araşdırır.