Gəncədə 2 mərtəbəli yaşayış binasında yanğın olub. Hadisə səhər saatlarında Heydər Əliyev prospekti bina 6-da baş verib. Tüstülənmə binanın dam örtüyündən başlayıb və bunu görən sakinlər 101 xidmətinə məlumat veriblər. Hadisə yerinə Fövqəladə hallar nazirliyinin 6 texnikası və canlı qüvvəsi cəlb olunub. Ümumi sahəsi 600 m² olan dam örtüyünün yanar konstruksiyaları 100 m² sahədə və dam örtüyünün altına yığılmış əşyalar 30 m² sahədə yanıb. Yanğın zamanı 30 nəfər bina sakini təhlükəsiz əraziyə təxliyə olunub. Dam örtüyünün qalan hissəsi və mənzillər yanğından mühafizə olunub. Yanğının hansı səbəbdən qaynaqlandığı adiyyatı üzrə aparılan araşdırmalardan sonra bilinəcək.  

Natiq Hüseyn