Qaxın Oncallı kəndi ərazisində də qəza olub. Elvin adlı şəxs «VAZ 21064» markalı minik avtomobili ilə hərəkətdə olarkən eyni istiqamətdə yolun kənarı ilə hərəkət edən kənd sakini 5 yaşlı Cavid Cabbarovu vurub. Qəzadan sonra müxtəlif dərəcəli bədən xəsarətləri alan 5 yaşlı Cavid Cabbarov Qax Mərkəzi Rayon Xəstəxanasına aparılıb. Azyaşlıya qapalı kəllə-beyn travması diaqnozu qoyulub.Ona xəstəxanada lazımi ilkin tibbi yardım göstərildikdən sonra vəziyyətini nəzərə alaraq müayinə və müalicəsini davam etdirmək üçün Bakı şəhərindəki xəstəxanalardan birinə göndərilib.