Samux sakini Gəncədə bıçaqlanıb. Hadisə şəhərin Nizami Gəncəvi prospektində baş verib. Hələ ki, kimliyi məlum olmayan şəxs mübahisə zəminində Samux rayon Kolayır kənd sakini 36 yaşlı Sərxan Mirzəyevi bıçaqlayıb. Bıçaqlanan şəxs dərhal Gəncə şəhər Təcili Tibbi Yardım Xəstəxanasının cərrahiyyə şöbəsinə yerləşdirilib. Ona ilkin tibbi yardım göstərilib, vəziyyətinin orta ağır olduğu bildirilir.