Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində 7 saylı cəzaçəkmə müəssisəsinə narkotik maddənin keçirilməsi cəhdinin qarşısı alınıb. Cinayət Məcəlləsinin 6 maddəsi ilə 10 il 2 ay müddətinə azadlıqdan məhrum edilmiş Babək Bağırovun yanına qısamüddətli görüşə gələn qardaşı, Bərdə sakini Dəyanət Babayevin üzərinə və əşyalarına baxış keçirilən zaman burun boşluğunun içərisində gizlətdiyi kağız bükülüdə 2.008 qram tiryək aşkar edilib. Faktla bağlı araşdırma davam etdirilir.