Haier adlı Çin şirkəti proyektorla təmin olunmuş smart saat təqdim edib. Bu proyektor informasiyanı nəinki kiçik ekranda, hətta sahibinin dərisi üzərində göstərə bilir. Asu adını alan saatların 1,54 düym diaqonala malik sensor ekranı var. Qacetin informasiyanı təsvir etmək baxımından imkanlarını genişləndirmək üçün yaradıcılar ona 480*854 piksel ölçüsündə görüntülər göstərən proyektor quraşdırmaq qərarına gəliblər. Bir problem var ki, proektorun təqdim etdiyi görüntülər əl hərəkət edərkən təhrif olunacaq. “Ağıllı” saatın nə vaxt və neçəyə peyda olacağı açıqlanmır.