Gəncə şəhər Kəpəz RPİ-nin əməkdaşları tərəfindən oğurluq faktlarının üstü açılıb. Ötən il noyabrın 18-də rayon ərazisindəki evlərdən birinin həyətindən su mühərriki oğurlamaqda şübhəli bilinən Gəncə şəhər sakinləri, əvvəllər məhkum olunmuş - Muraz Əzizov və Rövşən Nağıyev saxlanılıb. Ətraflarında aparılan əməliyyat tədbirləri ilə onların ötən il noyabrın 24-dən cari il yanvarın 3-dək olan müddətdə daha 10 evdən pul, məişət əşyaları, inşaat materialları və ev quşları, habelə binalardan birinin girişindəki liftin əyləc dolağını oğurlamaları da müəyyən edilib.

Zülfiyyə Telmanqızı