Paytaxtın Suraxanı rayonunda, Zığ yolunda yanğın hadisəsi baş verib. Hərəkətdə olan “BMW” markalı avtomobil qəflətən alışıb. Maşının yandığını görən sürücü avtomobili saxlayıb və alovu söndürməyə çalışıb. Sürücüyə yoldan ötən vətəndaşlar da yardım etməyə başlayıblar. Əraziyə daha sonra FHN-nin əməkdaşları cəlb edilib. Yanğın söndürülüb. Alovun avtomobilin digər hissələrinə keçməsinin qarşısı alınıb. Faktla əlaqədar araşdırmalara başlanılıb.