Bakının Nərimanov rayonu, Əhməd Rəcəbli küçəsində yolu keçmək istəyən 24 yaşlı Kənan Əliyevi minik avtomobili vurub.<br>Yaralı xəstəxanaya çatdırılıb.<br>Digər hadisə isə Binəqədi rayonunun Xocasən qəsəbəsində qeydə alınıb.20 yaşlı Firuzə Novruzova yolun kənarı ilə hərəkətdə olan zaman avtomobil onu vurub. O, bədəninin müxtəlif nahiyələrindən sınıq xəsarətləri aldığı üçün tibb müəssisələrindən birinə aparılıb.

Daha bir piyadavurma hadisəsi Xətai rayonu ərazisində qeydə alınıb. 62 yaşlı Rafael Heydərov yol keçən zaman qəza qurbanına çevrilib Avtomobilin vuraraq yaraladığı kişi 1 saylı Kliniki Tibbi Mərkəzə yerləşdirilib.

Sabunçu rayonunda minik avtomobili motosikletlə toqquşub.Hadisə Maştağa qəsəbəsində, keçmiş Məmmədyarov dairəsi yaxınlığında baş verib.<br>Qəza nəticəsində motosikletin sürücüsü, 20 yaşlı Sərxan Ələsgərov xəsarət alaraq 3 saylı şəhər klinik xəstəxanasına çatdırılıb. Vəziyyətinin orta-ağır olduğu bildirilir.

Faktlarla bağlı araşdırma aparılır.