Abşeron rayonu ərazisində bıçaqlanma olub. Hadisə Mehdiabad qəsəbəsində baş verib. Qəsəbə sakini, 29 yaşlı Elnur Qəhrəmanov qarın nahiyəsindən aldığı bıçaq xəsarətləri ilə 1 saylı Xəstəxanaya gətirilib və cərrahi əməliyyat olunub. Hazırda vəziyyətinin orta-ağır olduğu bildirilir. Hadisə barədə polisə məlumat verilib. Qəhrəmanov ifadəsində bildirib ki, tanımadığı şəxslər ona yaxınlaşaraq telefon istəyiblər. Rədd cavabı aldıqda isə mübahisə yaranıb və nəticədə gənc bıçaqlanıb.

Zülfiyyə Telmanqızı