Ötən ay Şirvan şəhərində oğurlanan avtomobilin yeri Şirvan Şəhər Polis Şöbəsinin əməkdaşlarının lənkəranlı həmkarları ilə birgə keçirdikləri əməliyyat-axtarış tədbirləri zamanı müəyyən edilib. Avtomobil Lənkəran şəhər sakini, 18 yaşlı Vüqar Əlizadənin yaşadığı ünvanda aşkarlanıb. Əməliyyat zamanı məlum olub ki, Xəyyam Əliyevə məxsus VAZ markalı maşın oktyabrın 31-də Şirvan şəhərində 77 saylı binanın qarşısından oğurlanıb. Bundan başqa avtomobilin dövlət qeydiyyat nişanının, açar və arxa oturacağının dəyişildiyi də məlum olub. Oğurluqda təqsirli bilinən Vüqar Əlizadə istintaqa verdiyi ilkin izahatında avtomobili oğurlamadığını, Şirvan şəhərində "Məxi" kimi tanıdığı tanışından 350 manata aldığını söyləyib. Faktla bağlı cinayət işi başlanıb, istintaq tədbirləri davam etdirilir.

Zülfiyyə Telmanqızı