Yevlaxda "TIR" yanıb. Hadisə Bakı-Qazax avtomagistralının Yevlaxdan keçən hissəsində baş verib. Mehdi Mirzəyevin idarə etdiyi iritonnajlı yük avtomobili Bakı şəhəri istiqamətində hərəkətdə olarkən maşının kabinəsində qəfil yanğın baş verib. Alov tez bir zamanda yük maşınını ağuşuna alıb. Sürücü alovu söndürməyə cəhd etsə də, buna nail ola bilməyib. Müxtəlif yanıq xəsarətləri alıb. Hadisə yerinə Yevlax rayon Yanğından Mühafizə Hissəsinin yanğınsöndürən maşınları və canlı qüvvəsi cəlb olunub. Yanğınsöndürənlər alovun yayılmasının qarşısını ala biliblər. Yanğın zamanı avtomobildə olan 3 litrlik qaz balonu alovdan mühafizə olunub. Baş verə biləcək partlayışın qarşısı alınıb. Hadisə ilə bağlı araşdırma aparılır.