Neftçalanın Mikayıllı kənd sakinindən külli miqdarda narkotik götürülüb. Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində 42 yaşlı Həsən Kərimov şübhəli şəxs qismində saxlanılıb. Onun üzərinə baxış zamanı 4 ədəd kibrit qutusunda narkotik vasitə olan qurudulmuş marixuana aşkar edilib. Həyatyanı sahəyə baxış zamanı bankalara yığılmış, ümumi çəkisi 3 kiloqramdan çox narkotik maddə olan marixuana götürülüb. Faktla bağlı Neftçala RPŞ-də araşdırma aparılır.