Daxili işlər orqanları tərəfindən ötən gün keçirilən uğurlu əməliyyat tədbirləri nəticəsində qanunsuz dövriyyədən külli miqdarda narkotik vasitə çıxarılıb.Ağcabədi rayon Polis Şöbəsi əməkdaşlarının əldə etdikləri məlumat əsasında həyata keçirdikləri əməliyyat tədbirləri nəticəsində narkotik vasitələrin alqı-satqısında şübhəli bilinən şəhər sakini, əvvəllər məhkum olunmuş Hüseyn Əhmədov saxlanılaraq Polis Şöbəsinə gətirilib. Onun üzərinə baxış zamanı 0,110 qram heroin aşkar edilib.Tədbirlərin davamı olaraq onun yaşadığı evə də baxış keçirilib və oradan əlavə olaraq ümumi çəkisi 9 kiloqram 230 qram olan qurudulmuş marixuana aşkar edilərək götürülüb. Beyləqan polisinin əvvəllər məhkum olunmuş İlkin Fərəcovun evinə keçirdikləri baxış zamanı isə oradan ümumi çəkisi 1 kiloqramdan artıq olan marixuana aşkar edilərək götürülüb.Hər ki fakatla bağlı cinayət işlər başlanılıb, istintaq aparılır.