3 gündür axtarışları gedən 6 yaşlı Natiq meşədən tapıldı. Bu müddət ərzində meşədə tək-tənha və ac-susuz qalmasına baxmayaraq azyaşlının vəziyyəti yaxşıdır.

Fövqəladə Hallar Nazirliyi əməkdaşlarının Əski İqrıq kəndi ilə Gültəpə kəndi ərazisindəki meşə massivindən tapdıqları 6 yaşlı Natiq Quba Mərkəzi Rayon Xəstəxanasına yerləşdirilib.

Ailəsi ilə bərabər bir çoxlarımız Natiqin axtarışlarını davam etdirirdik. Artıq 3 gündən sonra Balaca Natiq tapıldı və hazırda yanımızdadır. Çox şükür.

Həkimlər Natiqin həyatı üçün heç bir təhlükənin olmadığını deyirlər.

6 yaşlı Natiq müayinələrdən sonra evə buraxılacaq.

Zülfiyyə Telmanqızı