• KƏPƏZ TV
    canlı yayım
Bu günə xəbərlərin oxunma sayı: 1887
— 28.04.2017 13:59

Aptekdə etdiyi oğurluq təhlükəsizlik kameralarına düşdü

KepezTV Player

Sumqayıt Şəhər Polis İdarəsi 1-ci PB əməkdaşlarının həyata keçirdikləri əməliyyat-axtarış tədbirləri nəticəsində şəhər ərazisindəki apteklərdən birində vətəndaşa məxsus içərisində 405 manat pul olan çantanı oğurlamaqda şübhəli bilinən şəhər sakini Azər Səfərov tutulub. Azər Səfərovun oğurluq etməsi aptekdə quraşdırılan təhlükəsizlik kameraları vasitəsilə də lentə alınıb. Həmin kamera görüntülərində saxlanılan şəxsin xanımın pul çantasını necə oğurlaması öz əksini tapıb. Səfərov ifadəsi zamanı oğurluq etdiyini və çantada olan pulu götürəndən sonra şübhə yaranmasın deyə onu geri gətirib qoyduğunu etiraf edib. Faktla bağlı Sumqayıt ŞPİ-nin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, araşdırmalar davam etdirilir.

Zülfiyyə Telmanqızı