• KƏPƏZ TV
    canlı yayım
Bu günə xəbərlərin oxunma sayı: 1903
— 05.04.2017 18:32

Qəbiristanlıqdan oğurluq edənin mənzili həbsxana olacaq

KepezTV Player

Doğmalarımızın sağlığında özləri, dünyadan köçdükdən sonra isə xatirələri əziz olur. Həmin xatirəyə bir kəs toxunanda dolayısı ilə xətrimizə toxunmuş olur. Məqsədindən asılı olmayarq. Hümbətin də məqsədi oğurluq olub, amma Dimitri ilə Oleqin nənə babalarının qəbirlərinə hörmətsizliklə.

Sabunçu Rayon Polis İdarəsinə vətəndaş Dimitri Singin və Oleq Quryanov tərəfindən şikayət daxil olub. Onlar qohumlarının Balaxanı qəsəbəsində yerləşən qəbiristanlıqda olan məzarlarının üzərindən dəmir barmaqlıqlar və xaçların oğurlanması barədə məlumat veriblər. Sabunçu RPİ və 12-ci Polis Bölməsi əməkdaşlarının həyata keçirdikləri təxirəsalınmaz əməliyyat-axtarış tədbirləri nəticəsində qeyd edilən cinayəti törətməkdə şübhəli bilinən Zəngilan rayon sakini əvvəllər məhkum olunmuş Hümbət Kərimov saxlanılıb. Onun Balaxanı qəsəbəsindəki fərdi yaşayış evinə baxış zamanı məzarların dəmir barmaqlıqları və metal lövhələri aşkar olunaraq götürülüb. Hümbət Kərimov ilkin izahatı zamanı dəmir parçalarını satmaq niyyəti ilə oğurladığını bildirib.

Qeyd edilən faktla bağlı Sabunçu RPİ-nin İstintaq Şöbəsində Cinayət Məcəlləsinin müvafiq maddələri ilə cinayət işi başlanılıb, zəruri istintaq hərəkətləri, eləcə də əməliyyat-axtarış tədbirləri davam etdirilir.