Gəncədə güllələnmə hadisəsi baş verib. Saat 15:00 radələrində bir nəfər şəxsin odlu silahdan açılmış atəş nəticəsində ölməsi barədə Gəncə şəhər prokurorluğuna məlumat daxil olub. Hadisə şəhərin Bakı istiqamətindən çıxışında, Gəncə Beynəlxalq Avtovağzalın yaxınlığında qeydə alınıb. Araşdırmalarla məlum olub ki, "VAZ-2106" markalı minik avtomobili hərəkətdə olarkən 1994-cü il təvəllüdlü Zahid Sarıyevin aralarında yaranmış mübahisə zamanı iş yoldaşı -1998-ci il təvəllüdlü Samux rayon sakini Mehrac Əsədova odlu silahdan atəş açaraq onu qəsdən öldürməsinə əsaslı şübhələr müəyyən edilib. Faktla bağlı Gəncə şəhər prokurorluğunda Cinayət Məcəlləsinin 120.1-ci, qəsdən adamöldürmə maddəsi ilə cinayət işi başlanaraq ibtidai istintaq aparılır. Zahid Sarıyev şübhəli şəxs qismində tutulub. 

Orxan Cəfərzadə