Futbol üzrə Türkiyə Super Liqasında 23-cü tura yekun vurulub. Dünən keçirilən oyunlar arasında “Qalatasaray” doğma meydanda “Qaziantep”i qəbul edib. Və rəqib üzərindəki əzmkar qələbəylə “Fənərbaxça”nın xal fərqini artırmasına imkan verməyib. İlk yarıda hesabda geri düşən cim-bom ikinci hissədə əvvəlcə Zahanın qolu ilə hesabı bərabərləşdirib. Final fitinə az qalmış isə Barış Alpər Yılmaz komandasının qələbə topunu vurub. Hazırda 60 xala malik “Fənərbaxça” ilə “Qalatasaray” şərikli liderliyi davam etdirirlər.