Sabirabad rayon sakini qanunsuz olaraq saxladığı “AKM” markalı avtomatı könüllü olaraq polisə təhvil verib. Bu, Rayon Polis Şöbəsinin əməkdaşları tərəfindən qanunsuz saxlanılan odlu silahların könüllü təhvil verilməsi ilə bağlı apardıqları profilaktiki tədbirlər nəticəsində mümkün olub. Bundan əlavə, müvafiq sənədləri olmayan ov silahlarının aşkarlanması istiqamətində keçirilən tədbirlər zamanı isə 5 nəfər rayon sakinindən sənədsiz ov tüfəngləri götürülüb.