Gəncədə xəsarətlə nəticələnən yol qəzası baş verib. Hadisə şəhərin Nizami Gəncəvi prospekti ilə Eminbəyli küçəsinin kəsişməsində qeydə alınıb. Hərəkətdə olan "Chevrolet Cruze" markalı avtomobil yol ayrıcında "VAZ-21015" markalı maşınla toqquşub. Hadisə zamanı üç nəfər - 1981-ci il təvəllüdlü Xəyyam Məmmədov, 1990-cı il təvəllüdlü Nizami Nəbiyev və 2009-cu il təvəllüdlü İslam Rəsulov müxtəlif dərəcəli bədən xəsarətləri alıb. Yaralılar Gəncə şəhər Zülfüqar Məmmədov adına xəstəxanaya aparılıb. Hadisənin başvermə səbəbləri araşdırılır.
Mirqalim Seyidov- Həkim:  "Bu gün hardasa 10:15 radələrində 41 nömrəli məktəbin qarşısında işıqforda avtoqəza olmuşdur və 3 nəfər bununla bağlı bizə müraciət etmişdir. Xəstələr yüngül xəsarət alıblar. Biri döş qəfəsinin əzniyi, ikinci xəstəmiz uşaqdır- sağ baldırın əzilmiş yarasıdır, 3- cü xəstəmiz də alın nahiyəsinin sıyrıq yaraları və çənəaltı nayihənin əzilmiş yarası ilə müraciət etmişdir. Hal-hazırki vəziyyətləri yaxşıdır, bütün yardımları göstərildi və ambulator müalicəyə göndərildi".