Göygöl rayonunda vəzifəli şəxslər arasında münaqişə olub. Hadisə Göygöl Dövlət Aqrar İnkişaf Mərkəzinin həyətində baş verib. Mərkəzin direktoru, 41 yaşlı Elməddin Əhmədovla Göygöl Rayon baytarlıq İdarəsinin rəisi, 62 yaşlı Oqtay Həmidov arasında mübahisə daha sonra fiziki münaqişəyə keçib. DİN-dən verilən məlumaat görə, hadisə ilə bağlı Rayon Polis Şöbəsinə hər iki şəxsin müraciəti daxil olub. Şəxslərin üzərində hər hansı bir bədən xəsarətləri müəyyən edilməyib. Faktla bağlı araşdırmalar davam etdirilir.