Türkiyənin istehsal etdiyi ilk pilotsuz silahlı qayıq suya buraxılıb. "Meteksan Savunma" şirkəti tərəfindən hazırlanan qayıq saatda 65 kilometr sürətlə 400 kilometr məsafə qət etmək iqtidarındadır. Pilotsuz silahlı qayıq kəşfiyyat, müşahidə, suüstü qarşıdırma, silahlı müşayiət kimi vəzifələri icra etmək üçün nəzərdə tutulub. 4 lazerli raket və 2 lazerli uzunmənzilli tank əleyhinə raket sistemi ilə təchiz olunub. Yaxın zamanlarda qayığın seriyalı istehsalına başlanması planlaşdırılır.