Şuşa şəhərinə növbəti köç karvanı yola salınıb. Respublikanın müxtəlif ərazilərində yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdən ibarət növbəti köç karvanı Bakı şəhərinin Qaradağ rayonundan yola salınıb. Bu mərhələdə şəhərə daha 21 ailə - 79 nəfər köçürülüb. İndiyədək Şuşada 147 ailənin, yəni 570 nəfərin daimi məskunlaşması təmin edilib.

79 nəfərdən ibarət 21 ailəyə Şuşada mənzillərin açarları təqdim edilib.

Vüsalə Cənnətova