Prezident İlham Əliyev Müsəlman Ağsaqqalları Şurasının Baş katibi Məhəmməd Əbdülsalamı qəbul edib. İşğal dövründə Ermənistan tərəfindən 67 məsciddən 65-nin darmadağın edildiyini vurğulayıb. Azad edilmiş ərazilərdə həyata keçirilən bərpa-quruculuq işləri qeyd edilib.

Prezident İlham Əliyev Haluk Görgünün rəhbərlik etdiyi nümayəndə heyətini qəbul edib

Dövlət başçısı Türkiyə Prezident Administrasiyası Müdafiə Sənayesi Komitəsinin sədri Haluk Görgünün rəhbərlik etdiyi nümayəndə heyətini də qəbul edib. Azərbaycan-Türkiyə əlaqələrinin hərbi və müdafiə sənayesi sahəsində də uğurla inkişaf etdiyi qeyd olunub. Haluk Görgün Azərbaycan və Türkiyə arasında müdafiə sənayesi üzrə memorandumların imzalanması barədə məlumat verib.