Monteneqroda şahmat üzrə komandalar arasında Avropa çempionatına IX turun oyunları ilə yekun vurulub. Qadın şahmatçılardan ibarət Azərbaycan millisi son turda Serbiyanı məğlub edib. Bununlada Azərbaycan yığması 15 xalla tarixdə ilk dəfə Avropa çempionatının gümüş medalına yiyələnib. Qitə çempionatında lövhələr üzrə ən çox xal toplayan şahmatçılar da bəlli olub. Yığmanın üzvlərindən Günay Məmmədzadə, Gülnar Məmmədova və Xanım Balacayeva fərdi nəticələrə əsasən lövhələr üzrə ikinci olmaqla gümüş medala layiq görülüblər.