Neyton Sprinqs "Gəncə" basketbol klubunu tərk edib. Amerikalı basketbolçu mövsüm ərəfəsində məşqlərin birində ağır zədələnib və çempionatın heç bir oyununda meydana çıxmayıb. Onun müalicə prosesi uzun çəkəcəyindən vətəninə yollanmaq məcburiyyətində qalıb. "Gəncə" bu səbəbdən amerikalı müdafiəçi ilə müqaviləyə qarşılıqlı razılıq əsasında xitam verib.