Samux Rayon Polis Şöbəsinin əməkdaşları da silahla bağlı rayonun Füzuli, Alıuşağı kəndlərində və Nəbiağalı qəsəbəsində əməliyyat tədbirləri keçiriblər. Sakinlərdən qanunsuz olaraq saxladıqları müxtəlif markalı və kalibirli ümumilikdə 3 ədəd ov tüfəngi aşkar edilərək götürülüb. Bundan başqa, Polis Şöbəsinə rayonun Nəbiağalı qəsəbəsindəki yol kənarında odlu silah olması barədə məlumat daxil olub. Ərazidən 1 ədəd "TOZ-16" markalı ov tüfəngi aşkar olunub. Silahlar aidiyyəti üzrə təhvil verilib.