Bakının Nəsimi rayonunda Kamil Əliyev “Toyota” markalı maşınla yol ayrıcını keçərkən “BMW” markalı maşına çırpılıb. Toqquşma zamanı “Toyota” aşıb. “BMW” markalı avtomobilin xanım sürücüsü və biri Küveyt vətəndaşı olan iki sərnişini, eləcə də “Toyota”nın sürücüsü Kamil Əliyev və sərnişini Sərxan Məmmədov xəsarət alıblar. Yaralılar xəstəxanaya aparılıb. Faktla bağlı Nəsimi Rayon Polis İdarəsində araşdırma aparılır.