Sertifikatlaşdırma prosesinin müsahibə nəticələri açıqlanıb. Bu barədə Təhsil İnstitutundan xəbər verilib. Sentyabrın 8-də keçirilən təkrar müsahibədə 1 376 müəllim uğur qazanaraq sertifikatlaşdırmadan keçmiş hesab olunub. 14 oktyabrda təşkil olunan sertifikatlaşdırma prosesinin müsahibə mərhələsində isə 21 883 nəfər təhsilverən iştirak edib. Müəllimlərdən 21 784 nəfəri uğur qazanıb. 99 müəllim sertifikatlaşdırmanın müsahibə mərhələsindən kəsilib. Sertifikatlaşdırmadan keçən 5246 təhsilverənin vəzifə maaşına 35 faiz, 17 914 təhsilverənin isə 10 faiz artım tətbiq olunacaq.