Şəkinin İnçə kəndi ərazisində TIR dərəyə aşıb. Hadisə Şəki-Qax avtomobil yolunun 9-cu kilometrliyində baş verib. Yük avtomobilinin sükanı arxasında Gürcüstan vətəndaşı olub. TIR Qax istiqamətində hərəkətdə olarkən sərt döngədə idarəetmədən çıxaraq dərəyə düşüb. Hadisə yerinə Yol Patrul Xidmətinin əməkdaşları cəlb olunub. TIR qaldırıcı kran vasitəsilə dərədən çıxarılıb. Faktla bağlı araşdırma aparılır.