Göygöldə qəza olub, yaralananlar var.

Hadisə Bakı-Qazax magistral yolunun 366 km-də baş verib. Qəza zamanı "VAZ 21011" markalı avtomobillə mikroavtobus toqquşub. Xəsarət alanlar var.

Magistral yolun Göygöl rayonun Üçtəpə kəndi ərazisindən keçən hissəsində baş verən ağır yol-nəqliyyat hadisəsi zamanı 12 nəfər yaralanıb. Mikroavtobusda Şəmkir rayonundakı istixanada işləyərək geri qayıdan Goranboyun Veyisli kənd sakinləri olublar. Hadisə şahidlərinin sözlərinə görə, hərəkətdə olan "VAZ 21 011" markalı avtomobilin sürücüsü maşını yolda qəfil saxlayıb. Nəticədə arxadan gələn mikroavtobus minik maşını ilə toqquşub.

Xəsarət alan 12 nəfər Göygöldə xəstəxanaya aparılıb. Yaralılara tibbi yardım göstərilib. 

Faktla bağlı araşdırma aparılır.

Elnur Vahidoğlu