Abşeronun Məhəmmədli qəsəbəsi, Mehdi Hüseynzadə küçəsində, yolun sərt döngəsində 1999-cu il təvəllüdlü Mustafayev İbadət Yadigar oğlu “VAZ 2107” markalı maşında sükana nəzarəti itirib. İdarəetmədən çıxan “VAZ 2107” eyni istiqamətdə olan “Ford” markalı mikroavtobusa çırpılıb. Qəza zamanı minik avtomobili deformasiyaya uğrayıb, sürücüsü İbadət Mustafayev ağır bədən xəsarətləri alıb. Yaralı xəstəxanaya yerləşdirilib. Fakt araşdırılır.