Şəmkir rayonu, Qapanlı kəndində ölümlə ilə nəticələnən yol-nəqliyyat hadisəsi olub. Belə ki, kiçiktutumlu yük maşınının idarəetmədən çıxaraq kanala aşması nəticəsində 2 nəfər aldıqları xəsarətlərdən hadisə yerində dünyasını dəyişib. Onların rayon sakinləri - sürücü, 1988-ci il təvəllüdlü İsgəndərli Tural Əli oğlu və sərnişini, 1988-ci il təvəllüdlü Manafov Elçin Mustafa oğlu olduğu müəyyənləşib. Faktla bağlı araşdırma aparılır.