Qarabağda qondarma rejimin təxribatlarına baxmayaraq, Rusiya Qızıl Xaç Cəmiyyətinin göndərdiyi yükün Ağdam-Xankəndi yolu ilə keçməsini bu yolun açılması istiqamətində müsbət addım və mühüm irəliləyiş kimi qiymətləndiririk. Ölkəmiz Ağdam-Xankəndi və Laçın yollarından Beynəlxalq Qırmızı Xaç Komitəsi vasitəsilə eyni zamanda istifadə məsələsinə razılıq verib. Təəssüf ki, bu razılığın da həyata keçirilməsinə mane olan tərəf Ermənistan tərəfindən Qarabağ bölgəsində yaradılmış qondarma rejimdir. Bunu Xarici işlər nazirliyinin mətbuat katibi Ayxan Hacızadə bildirib.