Birinci vitse-prezident, Heydər Əliyev Fondunun prezidenti Mehriban Əliyeva Xalq artisti Yalçın Rzazadənin ailəsinə başsağılığı verib. İfaçının vəfatı xəbərinin kədər hissi ilə qarşılandığı, müasir musiqi sənətimizdə öz dəst-xətti ilə seçilən Xalq artistinin ifaçılıq məharəti və səhnə mədəniyyəti ilə musiqisevərlərin dərin hörmət və məhəbbətini qazandığı deyilir. Çoxillik təcrübə və biliyinin, estrada sənətinin bütün sirr və incəliklərini həvəslə gənclərə öyrədən sənətkarın yaradıcılıq yolunun gənc ifaçılar nəsli üçün əsl sənət məktəbi olduğu vurğulanır.