• KƏPƏZ TV
    canlı yayım
Bu günə xəbərlərin oxunma sayı: 744
— 21.11.2014 20:18

Tərtərdə qoyun oğurluğu ilə məşğul olan dəstə polis tərəfindən saxlanılıb

Gördükləri qoyunları avtomobilə qoyaraq aradan çıxan oğrular bu dəfə  polisə tuş gəliblər.

Tərtər rayon sakini Vəkil Mirzəyev  və  rayonun Borsunlu kənd sakini İlqar Əliyev  polis şöbəsinə ərizə ilə müraciət edərək onlara məxsus  xırda buynuzlu heyvanların oğurlanması barədə məlumat  veriblər. Rayon polisinin müraciətdən sonra apardıqları əməliyyat  axtarış tədbirləri nəticəsində 3 nəfər Kəlbəcər rayon Təkəqaya sakini və hazırda Tərtər rayonunun Həsənqaya kəndində məskunlaşan iki qardaş Zaməddin və Yaməddin Həsənlilər  və Kəlbəcər rayon  Qılınclı kənd  sakini və Tərtər rayonunun Şıxarx  kəndində yaşayan Ceyhun Salmanlı rayon polisi tərəfindən saxlanılıb .

Dindirilmə zamanı saxlanılan şəxslər bildiriblər ki, onlar Vaz 21 06 markalı avtomobillə gedərkən yol kənarında olan qoyunları oğurlayaraq qəssablara satırmışlar

Saxlanılan  şəxslər barəsində cinayət işi başladılıb, araşdırma aparılır.